काठमाडौँ । वीरताको कथा र देशभक्तिलाई केन्द्रमा राखेर नेपालमा कमै चलचित्र बन्ने गरेका छन् । अनुसन्धानमा समय र निर्माण लागत धेरै लाग्ने भएकाले पनि निर्माता…
किन दले खाेकनाका स्थानीयले आफ्नै मुखमा मोसो
काठमाडौं । बिरोध स्वरुप सामान्यतः नारा जुलुस लगायतका कार्यक्रमहरु हुने गर्छन् तर पछिल्लो केही समययता बिरोधका पनि नयाँ नयाँ शैली अपनाउन थालिएको छ । केही साता पहिले भक्तपुरमा रुखरुखमा ठेकेदारको फोटो झुण्ड्याएर बिरोध गरिएको थियो । मंगलबार ललितपुरको खोकनामा पनि यस्तै नयाँ शैली अपनाएर बिरोध प्रदर्शन भएको छ ।
तराई मधेस फास्ट ट्रयाकको विरोधमा ललितपुरको खोकनाका वासिन्दाले आफ्नै मुखमा कालो दलेका हुन् । खोकनाको लाछिमा भेला भई स्थानीयले आफ्नो अनुहारमा कालो दलेर विरोध प्रदर्शन गरेका हुन् ।
फास्ट ट्रयाक, बाहिरी चक्रपथ, स्मार्ट सिटी लगायतका योजनामा स्थानीयको जग्गा र साँस्कृतिक संरचना मास्न लागेको भन्दै स्थानीय आन्दोलनमा उत्रिएका हुन् । सरकारले आफूहरुको कुरा सुन्दै नसुनेकाले विरोधको नयाँ स्वरुप अवलम्बन गरेको बिरोधमा सहभागीले बताए ।