प्रधानमन्त्री ओली सिंगापुर प्रस्थान

काठमाडौँ । प्रधानमन्त्री केपी शर्मा ओली उपचारका लागि आज पुनः सिंगापुर जानुभएको छ । आफ्नो स्वास्थ्यमा धेरै समस्या नरहेको बताएपनि उपचार गराएर फर्केको एक सातामै दोस्रोपटक उपचारकै लागि सिंगापुर जानुभएको हो ।

प्रधानमन्त्री ओली विहिबार अपरान्ह साढे १ बजे थाई एयरको उडान नम्बर न्त् घद्दण् बाट सिंगापुर प्रस्थान गर्नुभएको हो । प्रधानमन्त्री ओली भदौ २० गते फर्किने बताइएको छ ।

१२ वर्षअघि मिर्गौला प्रत्यारोपण गराएका ओली गत साउन १८ मा सिंगापुर गएर २७ गते फर्किनु भएको थियो । पछिल्लो पटकको प्रधानमन्त्रीले प्रयोग गरिरहेको औषधिको मात्राहरु परिवर्तन गरिएको र त्यसमा थप फलोअप गर्नका लागि सिंगापुर जानुभएको हो ।

प्रधानमन्त्रीलाई विदाई गर्नका लागि सरकारका मन्त्रीहरु, नेकपाका संसदीय दलका उपनेता सुवासचन्द्र नेम्वाङ त्रिभुवन विमानस्थल पुग्नुभएको थियो । साथै नेकपाका अन्य नेता कार्यकर्ताहरुकोको पनि बाक्लो उपस्थिति थियो । ०००