काठमाडौँ । ‘मिस नेपाल वर्ल्ड २०२४’ को उपाधि आश्माकुमारी केसीले जित्नुभएको छ । आज गोदावरीस्थित सनराइज सम्मेलन केन्द्रमा भएको अन्तिम प्रतिस्पर्धामा २५ प्रतिस्पर्धीलाई पछि पार्दै…
![](https://fairnepal.com/wp-content/uploads/2019/04/wgl05.19-sunita-danuwar.jpg)
शक्ति समूहकी अध्यक्ष सुनिता दनुवार विश्वका ५० विशेष नेतृत्वकर्ताको सूचीमा
काठमाडौं । शक्ति समूहकी अध्यक्ष सुनिता दनुवार विश्वका उत्कृष्ट ५० जना नेतृत्वकर्ताको सूचीभित्र परेकी छन् । अमेरिकाको फर्च्यून म्यागेजिनले यस वर्ष घोषणा गरेको वर्ल्डस् ग्रेटेष्ट लिडर काे सूचीमा मानव बेचबिखनविरुद्धकी अभियन्ता दनुवार परेकी हुन् ।
अमेरिकाको प्रख्यात पत्रिका ‘फर्चयून म्यागजिन’ ले विश्वका ५० नेतृत्वकर्ताको सूचीमा नेपाली चेली दनुवारलाई ३६ औं नम्बरमा राखेकाे छ । मानव बेचबिखनविरुद्ध उनले गरेकाे कामका कारण उनलार्इ सूचीमा सूचीकृत गरिएकाे म्यागिनमा जनाइएकाे छ ।
नेपालबाट बर्सेनी करिब १५ हजार किशोरी बेचबिखन हुने र उनीहरूलाई तस्करी गरी भारतलगायत मुलुकमा यौन धन्दामा लगाउने गरिएकाे छ । दनवारले नेतृत्व गरेकाे शक्ति समूहले अहिलेसम्म बेचिएका २० हजारभन्दा धेरै महिलाको उद्धारमा सघाएको म्यागेजिनमा उल्लेख छ ।
शक्ति समूहको कार्यकारी निर्देशकका रुपमा कार्यरत दनुवार १४ वर्षको उमेरमा भारतको बेश्यालयमा बेचिएकी थिइन् । दनुवार ६ महिनापछि बेश्यालय मुक्त हुन सफल भएकी थिइन् ।