काठमाडौँ । ‘मिस नेपाल वर्ल्ड २०२४’ को उपाधि आश्माकुमारी केसीले जित्नुभएको छ । आज गोदावरीस्थित सनराइज सम्मेलन केन्द्रमा भएको अन्तिम प्रतिस्पर्धामा २५ प्रतिस्पर्धीलाई पछि पार्दै…
![](https://fairnepal.com/wp-content/uploads/2019/01/50952700_1999773210118311_3725656427293835264_n.jpg)
पहिलो पाइलाले दियो जोगीथुमका विद्यार्थीलाई न्यानो कपडा – फोटो फिचर
पाल्पा ।
प्रश्चिम पाल्पाको कालिका आधारभूत विद्यालयका विद्यार्थीहरुलाई न्यानो कपडा वितरण गरिएको छ ।
जिल्लाको रिब्दीकोट गाउँपालिका १ ख्याहा जोगिथुममा रहेको विद्यालयका १ सय ११ विद्यार्र्थीहरुलाई एक कार्यक्रमका बीच न्यानो कपडा वितरण गरिएको हो ।
पहिलो पाईला नेपाल पाल्पा शाखाले विद्यार्थीहरुलाई स्वीटर, टोपी, मोजा वितरण गरेको छ । कपडा वितरण कार्यक्रमका प्रमुख अतिथि, नेपाली काँग्रेसका जिल्ला सभापति तथा प्रदेश पाँचका प्रदेश सांसद वीरबहादुर रानाले संस्थाले चिसोको समयमा विपन्न विद्यार्थीहरुलाई न्यानो कपडा वितरण गरेकोमा धन्यवाद दिनुभयो ।
कार्यक्रमका विशिष्ट अतिथि पहिलो पाईला नेपालका केन्द्रीय अध्यक्ष प्रतिभा जिसीले गाउँ–गाउँमा रहेका विपन्न वर्गका व्यक्तिहरुलाई संस्थाले सहयोग गर्दै आएको बताउनुभयो । विशिष्ट अतिथि रिब्दीकोट गाउँपालिका प्रमुख नारायणबहादुर जिसीले गाउँपालिकाले विपन्न वर्गका विद्यार्थीहरुको क्षेत्रमा दिर्घकालिन योजना बनाएर अगाडि बढ्ने बताउनुभयो ।
कार्यक्रममा वडा १ का वडा अध्यक्ष विष्णु गैरे, पहिलो पाईला नेपालका बुटवल शाखा सचिव आयुष पौडेल, पहिलो पाईला पाल्पा शाखाका पदाधिकारी, विद्यालय व्यवस्थापन समितिका पदाधिकारी, शिक्षक, स्थानिय समाजसेवी, बुद्धिजिवी लगायतको उपस्थिति रहेको थियो ।