भोलि सार्वजनिक बिदा

कास्की । गण्डकी प्रदेश सरकारले आइतबार सार्वजनिक बिदा दिने निर्णय गरेको छ । गुरुङ समुदायको महान पर्व तमु ल्होसारको अबसरमा प्रदेश सरकार पुस १५ गते आएतबार सार्वजनिक बिदा दिने घोषणा गरेको हो ।

संघीय सरकारले सार्वजनिक बिदाका कारण सरकारी काम प्रभाबित भएको भन्दै चाडपर्व तथा बिभिन्न दिवसमा दिइँदै आएको बिदा कटौती गरेको छ । तर प्रदेश सरकारहरूले भने आफूखुसी स्थानीय पर्व विशेषमा सार्वजनिक बिदा दिँदै आएका छन् ।