प्रतिनिधिसभा विघटनको मुद्दा हेर्दाहेर्दैमा

काठमाडौँ । प्रतिनिधिसभा विघटनको मुद्दाको बहस नसकिएपछि हेर्दाहेर्दैमा राखिएको छ । सर्वोच्चको संवैधानिक इजलासमा भएको बहस नसिकएको भन्दै सर्वोच्चले अर्को पेसी शुक्रबारका लागि तोकेको हो ।

बुधबार भएको सुनुवाइमा सरकारका कानुनी सल्लाहकार अग्नि खरेल र रिट निवेदकका तर्फबाट वरिष्ठ अधिवक्ता शम्भु थापालगायतले बहस गर्नुभयो । रिट निवेदकतर्फका थापाले यो मुद्दालाई बृहत् पूर्ण इजलासमा पठाउनुपर्ने कुरा उठाउनु भयो ।

सरकारका तर्फबाट खरेलले मुद्दालाई संवैधानिक इजलासले नै टुंग्याउनुपर्ने पक्षमा बहस गर्नुभयो । आजको संवैधानिक इजलासमा सपना प्रधान मल्ल बाहेकका न्यायाधीश यसअघिकै दोहोरिनुभयो ।

हरिकृष्ण कार्कीको इजलास छाड्ने घोषणापछि त्यो ठाउँमा मल्ल आउनु भयो । नेपालको संविधानको धारा १३७ मा संवैधानिक इजलासमा प्रधानन्यायाधीशसहित प्रधानन्यायाधीशले तोकेका अन्य ४ न्यायाधीश रहने व्यवस्था छ ।०००