अरुणखोलाकाे डाईभर्सन बगायो, पूर्वपश्चिम महेन्द्र राजमार्ग साँझ ६ बजेदेखि अबरुद्ध

नवलपुर । अरुणखोलामा बनाएको डाईभर्सन बाढीले बगाएपछि साँझ ६ बजेदेखि पूर्व-पश्चिम महेन्द्र राजमार्गको बुटवल नारायणगढ सडक खण्ड अबरुद्ध भएको छ । गत बुधवार बिहान ट्रकको ठक्करबाट अरुणखोला पुल भाचिएपछि वनाइएको ड्राइभर्सजन आइतबार साँझ बाढीले बगाएपछि  महेन्द्र राजमार्गको बुटवल–नारायणघाट सडकखण्ड अवरुद्ध भएको हाे ।

बाढीले ड्राइभर्सन वनाउन प्रयोग गरिएको ह्युम पाइपहरु केही मिटर वगाएर लगेको छ । डाइभर्सनसिछ शनिवार दिउसोदेखि केही सहज वनेको पूर्व-पश्चिम राजमार्गको यातायात सेवा अहिले पूर्णरुपमा अबरुद्ध भएको छ । खोलामा पानीको वहाब ठूलो रहेकाले तत्काल वैकल्पिक मार्ग मार्फत यातायात  सञ्चालन गर्न सम्भव नरहेको प्रहरीले जनाएको छ ।

यातायात बन्द भएपछि हजारौं सवारी साधन र यात्रु अलपत्र परेका छन् । गैडाकोटदेखि कावासोतीसम्मको बाटोमा यातायातका साधनहरु रोकिएको प्रहरीले जनाएको छ ।