दाउन्नेमा पहिरो खस्दा पूर्व–पश्चिम राजमार्गकाे यातायात प्रभाबित

बर्दघाट । पश्चिम नवलपरासीको बर्दघाट नगरपालिका ४ दाउन्नेमा पहिरो खस्दा पूर्व–पश्चिम राजमार्गकाे यातायात प्रभाबित भएकाे छ । गएरातिदेखि परेकाे वर्षाका कारण पहिराे खसेपछि दाेहाेराे यातायात सञ्चालनमा समस्या भएकाे प्रहरीले जनाएकाे छ ।

पहिराेका कारण बाटो अबरुद्ध भएपछि सवारीको चाप बढेकाे छ  ।  प्रहरीका अनुसार अहिले एकतर्फी रुपमा आलाेपालाे गरेर सवारी सञ्चालन भइरहेकाे छ ।

अहिले डोजर र एक्साभेटरले पहिरो पन्छाउने काम भैरहेको ईलाका प्रहरी कार्यालय बर्दघाटले जनाएकाे छ । पहिरो पन्छाउदै जाने तर पहिरो खस्न नरोकिने गर्दा गाह्रो भैहरेको  प्रहरीले जनाएको छ ।

यस सडक खण्डमा वर्षायाममा वर्षेनी पहिराे खस्ने र बाटाे भासिने समस्याका कारण यात्रुहरुले सास्ती भाेग्दै आएका छन् ।