भोजपुरमा प्रहरी र चन्द समूह कार्यकर्ताबीच भिडन्त प्रहरीसहित २ जनाकाे मृत्यु

काठमाडौँ । भोजपुरको सदरमुकाम नजिकै बुधबार बिहान ८ बजे प्रहरी र नेत्रविक्रम चन्द समूहबीच गोली हानाहान हुँदा दुई जनाको मृत्यु भएको छ । हटिया लाइनमा भएकाे भिडन्तमा प्रहरी जवान सन्जीव राई र एक विप्लव समूहका कार्यकर्ता निरकुमार राईको मृत्यु भएको हो । मृतक निरकुमार चन्द समूह भाेजपुर जिल्ला इन्चार्ज रहेकाे प्रहरीले जनाएकाे छ ।

दुबै जनाकाे भोजपुर अस्पतालमा उपचारका क्रममा  मृत्यु भएको प्रमुख जिल्ला अधिकारी नुरहरी खतिवडाले जानकारी दिनुभयाे ।

प्रहरीलेचन्द समूहकाे कार्यकर्ताको साथबाट एक थान लोडेड पेस्तोल समेत बरामद गरेको छ। विप्लव समूहको गोलीबाट प्रहरी मारिएको यो पहिलो घटना हो ।