आइफा अवार्ड आयोजना गर्ने निर्णयबाट सरकार पछि हट्याे

काठमाडौं । चाैतर्फी बिराेध भएपछि आईफा अवार्ड आयोजना गर्ने निर्णयबाट सरकार पछि हटेको छ । संसदीय समितिले नै अवार्ड नगर्न निर्देशन दिईसकेकोले आईफा अवार्ड नेपालमा नहुने  भएकाे नेपाल पर्यटन बोर्डका प्रमुख कार्यकारी अधिकृत दीपकराज जोशीले  बताउनुभयाे।

सरकारले असार ८ गते मन्त्रिपरिषद बैठकबाट भारतीय फिल्म अवार्ड आईफा नेपालमा आयोजना गर्ने निर्णय गरेको थियो । आईफा अवार्ड गर्नका लागि काठमाडौं महानगरपालिकाले लगभग ४४ करोड रुपैयाँ दिन लागेको सार्वजनिक भएसँगै यसको चौतर्फी विरोध सुरु भएको थियो ।