गजल : दुश्मनले दैलोमा फूल राखेर गएको छ

दुश्मनले दैलोमा फूल राखेर गएको छ
आफन्तले बिहानै छुरा धसेर गएको छ।

आजका मानिसहरू यसरी फेरिएका छन
कमाउन चिताबाट मुर्दा उठेर गएको छ।

छ असुरक्षा बढेको छ , पुजारीहरूबाट नै
भगवान त मन्दिरबाट निस्केर गएको छ।

यी यौवनाहरूले यति पनि सोच्न सकेनन
किन पतिले बिछ्यौना छोडेर गएको छ।

साथीहरूले यो पनि आरोप लगाउने छन
राम चोर्न जाँदा पनि सोधेर गएको छ ।

                                                        – राम थापा ‘अविरल’, बागलुङ