शान्तिका लागि काठमाडौंदेखि लुम्बिनीसम्म साइकल यात्रा

काठमाडौं । विश्व शान्तिको सन्देश फैलाउने उद्देश्यले लुम्बिनीस्थित The Universal Peace Sanctuary ले १५ वैशाखदेखि चारदिने विशेष साइकल यात्रा आयोजना गर्ने भएको छ। ‘शान्तिका लागि साइकल यात्रा’ नाम दिइएको यस अभियानमा १ सय ८ जना साइकलयात्री सहभागी हुनेछन्।

यो यात्रा काठमाडौं बाट सुरु भई लुम्बिनीसम्म पुग्नेछ, जुन गौतम बुद्धको जन्मस्थलका रूपमा विश्वभर परिचित छ।

कार्यक्रम तालिका:
उद्घाटन: अप्रिल २८, काठमाडौं
समापन: मे १ (Buddha Purnima) लुम्बिनीमा
यात्रा मार्ग:
काठमाडौं → हेटौंडा → नारायणघाट → कावासोती → दाउन्ने → भैरहवा → लुम्बिनी

आयोजकका अनुसार विश्वका विभिन्न भागमा जारी युद्ध र द्वन्द्वको सन्दर्भमा करुणा, अहिंसा र शान्तिको सन्देश फैलाउने उद्देश्यले यो यात्रा आयोजना गरिएको हो।

लुम्बिनीमा विशेष कार्यक्रमहरू:
माया देबी मन्दिर दर्शन
बोधिवृक्षमुनि ध्यान
विश्व शान्तिका लागि विशेष प्रार्थना
दीप प्रज्वलन

अर्को दिन ध्यान कार्यक्रमका साथै श्याल्पो रिम्पोचेद्वारा लिखित पुस्तक “The Path to Perfect Freedom” को नेपाली अनुवाद सार्वजनिक गरिनेछ।

श्याल्पा रिन्पोछेले United Nations, World Economic Forum र White House जस्ता अन्तर्राष्ट्रिय मञ्चहरूमा बुद्ध, लुम्बिनी र विश्व शान्तिको सन्देश प्रवाह गर्दै आएका छन्। यो यात्रा केवल भौतिक दूरी पार गर्ने अभियान होइन, मानवता, सह-अस्तित्व र विश्व शान्तिको भावना फैलाउने प्रयास पनि हो।