भारतीय क्रिकेटर शिखर धवनले लिए सन्यास, भने- आज म यस्तो बिन्दुमा छु जहाँबाट…

धवन एकदिवसीय अन्तर्राष्ट्रिय खेलमा ४० भन्दा बढीको औसतमा पाँच हजारभन्दा बढी रन बनाउने विश्वका आठ ब्याट्सम्यानमध्ये पर्छन्।

यी खेलहरूमा उनको स्ट्राइक रेट ९० भन्दा माथि रहेको छ । यो सूचीमा भारतीय ब्याट्सम्यानमा रोहित शर्मा र विराट कोहली मात्र परेका छन् ।

शिखर धवनले टेस्टमा धमाकेदार डेब्यू गरेका थिए । आफ्नो टेस्ट करियरको सुरुमा उनले पहिलो खेलमा अष्ट्रेलिया विरुद्ध शतक प्रहार गरेका थिए।

मोहालीमा भएको यो टेस्टमा उनले ८५ बलमा शतक बनाएका थिए । यो कुनै पनि डेब्यु गर्ने ब्याट्सम्यानको सबैभन्दा छिटो शतक हो । यो खेलमा उनले १८७ रन बनाए र यो खेल भारतको खातामा गयो ।

सन २०१३ धवनको करियरको शिखर थियो। यो वर्ष उनले एकदिवसीय खेलमा ५०.५२ को औसत र ९७.८९ को स्ट्राइक रेटमा ११६२ रन बनाएका थिए।

उनले त्यस वर्ष च्याम्पियन्स ट्रफीमा भारतको जितमा पनि महत्वपूर्ण भूमिका खेलेका थिए । उनले च्याम्पियन्स ट्रफीको पाँच इनिङ्समा ३ सय ६३ रन बनाएका थिए जसमा दुई शतक पनि थियो ।

यो प्रतियोगिताबाट नै उनको रोहित शर्मासँग ओपनिङ ब्याट्सम्यानको रुपमा जोडिएको थियो । ओपनिङ ब्याट्सम्यानको जोडीको रूपमा, उनीहरूले एकदिवसीय क्रिकेटको चौथो उत्कृष्ट पारी खेले।

यो सचिन तेन्दुलकर र सौरभ गांगुली पछि भारतको सबैभन्दा सफल ओपनिङ ब्याटिङ जोडी साबित भयो।