काठमाडौँ । ‘मिस नेपाल वर्ल्ड २०२४’ को उपाधि आश्माकुमारी केसीले जित्नुभएको छ । आज गोदावरीस्थित सनराइज सम्मेलन केन्द्रमा भएको अन्तिम प्रतिस्पर्धामा २५ प्रतिस्पर्धीलाई पछि पार्दै…
![](https://fairnepal.com/wp-content/uploads/2023/11/Thumb-naial.jpg)
समाचार संकलन गर्न जाँदा फेयर नेपालकर्मी तिमल्सिना पक्राउ
काठमाडौं । दुर्गा प्रसाईं नेतृत्वको नागरिक बचाऊ महाअभियानले शुक्रबार काठमाडौंको तीनकुनेमा गरेको प्रदर्शनको समाचार संकलन गर्न गएका फेयर नेपालकर्मी सविन तिमल्सिनालाई प्रहरीले नियन्त्रणमा लिएको छ ।
समाचार संकलनका क्रममा तीनकुनेबाट नियन्त्रणमा लिइएका तिमल्सिनालाई करिब ३ सय जना प्रदर्शनकारीहरुलाई थुनिएको रामशाहपथस्थित काठमाडौं जिल्ला प्रहरी परिसरको निर्माणाधिन भवनभित्र ४ घण्टा राखिएको थियो ।
तिमल्सिनाले सूचना तथा प्रसारण विभागबाट जारी प्रेस प्रतिनिधि पास देखाउँदा देखाउँदै पनि धरपकड गर्दै नियन्त्रणमा लिएको र ४ घण्टापछि प्रदर्शनकारी सरह कागज गराई छोडेको फेयर नेपाल डटकमका सम्पादक युव बहादुर गाहा मगरले जारी गरेको विज्ञिप्तिमा उल्लेख छ । अभिभावकीय भूमिकामा रहेको राज्यले प्रेस र पत्रकारमाथि गरेको दुव्र्यवहारप्रति विज्ञप्तिमा खेद प्रकट गरिएको छ ।
सूचना विभाग र संसद सचिवालयले जारी गरेको प्रेस पास लिई समाचार संकलनका लागि प्रदर्शनस्थल पुगेका बेला आफुलाई प्रहरीले भ्यानमा हालेर निर्माणाधिन भवनभित्र राखेको नियन्त्रणमुक्त भएपछि तिमल्सिनाले बताए ।
घटनाबारे प्रेससँग सम्बन्धित सरकारी नियकाय एवं संघ संगठनहरुलाई जानकारी दिइएको सम्पादक गाहा मगरले जानकारी दिएका छन् ।