किसानको खेतमै पुगेर मनायो रिब्दीकोटले धान दिवस (फाेटाे फिचर)

सुनिल कार्की
पाल्पा। पाल्पाको रिब्दीकोट गाउँपालिकाले आज असार पन्ध्र अर्थात धान दिवस मनाएको छ । गाउँपालिकाको वडा नं २ लघुवा फाँटमा किसानको माझ पुगेर पालिकाले २० औं धान दिवस मनाएको हो । पालिकाका जनप्रतिनिधि,कर्मचारी र किसानले संयुक्त रुपमा धान रोपेर दिवस मनाएका हुन ।

धान दिवस मनाउ रिब्दीकोट गाउँपालिका अध्यक्ष नारायण बहादुर कार्की, उपाध्यक्ष कान्ता अधिकारी,वडाअध्यक्षहरु वडा नं २ देउरालीका ओमप्रकाश पोखरेल,वडा नं ७ पालुङ्गमैनादीका दान बहादुर कुवाँर, कृषि शाखाका प्राविधिक रञ्जीब कुवाँर लगायतको सहभागिता रहेको थियो ।

दिवस मनाउन वडा नं २ देउरालीको लघुवाफाँट पुगेको गाउँपालिकाको टोलीले खेत जोत्ने,आलि लगाउने, बिउँ काड्ने र रोप्ने कार्य समेत गरेर किसानलाई सघाएका थिए ।