गण्डकीको मुख्यमन्त्रीमा खगराज अधिकारी नियुक्त

पाेखरा । गण्डकी प्रदेशको मुख्यमन्त्रीमा नेकपा (एमाले) संसदीय दलका नेता खगराज अधिकारी नियुक्त भएका छन्।

सोमबार गण्डकी प्रदेश प्रमुख पृथ्वीमान गुरुङले अधिकारीलाई मुख्यमन्त्री नियुक्त गरेका हुन्। उनलाई संविधानको धारा १६८ को उपधारा २ बमोजिम मुख्यमन्त्री नियुक्त गरिएको हो।

उनलाई नेकपा (माओवादी केन्द्र), राष्ट्रिय प्रजातन्त्र पार्टी र स्वतन्त्र गरी ३३ सांसदको समर्थनमा मुख्यमन्त्री नियुक्त भएका हुन्। ६० सदस्यीय प्रदेश सभा बहुमतका लागि ३१ सांसद आवश्यक पर्छ।