साउन १ देखि वृद्धभत्ता बढ्ने

काठमाडौं । आगामी आर्थिक वर्षबाट सरकारले सामाजिक सुरक्षा भत्ता बढाउने भएको छ । प्रधानमन्त्री केपी शर्मा ओलीले मंगलबार साउन १ गतेबाट बृद्ध भत्ता बढाउने घोषणा गरेका हुन् ।

मंगलबार रिपोर्टस क्लबको वार्षिक उत्सव कार्यक्रममा उनले साउन १ गतेदेखि वृद्धभत्तालगायतका सामाजिक सुरक्षा भत्ता बढ्ने घोषणा गरे ।

प्रधानमन्त्री ओलीले पहिलो बजेटमै सामाजिक सुरक्षा भत्ता नबढाएको भन्दै आलोचना गरेको तर दोस्रो बजेटमा बढाएको बताए ।

सामाजिक सुरक्षा भत्ता नबढाए पनि सामाजिक सुरक्षाको क्षेत्रमा थुप्रो काम गरेको भन्दै उनले अरु काम पनि गर्दै जाने बताए ।

‘कसैलाई आपत्ति लाग्ला । आपत्ति लाग्छ भने फेरि भन्छु साउन १ देखिलागु हुने गरी सामाजिक सुरक्षा भत्ता बढाइनेछ’ उनले भने ।