काठमाडौँ । बुद्धजयन्तीको अवसर पारेर बिहीबारदेखि प्रदर्शन सुरु गरिएका दुई नयाँ चलचित्र ‘फर्की फर्की’ र ‘पुजार सार्की’ लाई दर्शकले साथ दिएका छन् । प्रदर्शनको पहिलो…
![](https://fairnepal.com/wp-content/uploads/2020/05/health-population.png)
नसक्नेहरूको उपचार खर्च सरकारले व्यहोर्छ, सङ्क्रमितकाे उपचार निःशुल्क गर्नु
काठमाडौं । स्वास्थ्य तथा जनसंख्या मन्त्रालयले कतिपय अस्पतालले कोभिड – १९ का विरामीलाई अस्पतालमा भर्ना रकम माग गरेको र रकम अभावमा उपचार गर्न नपाएकाे सम्बन्धमा मन्त्रालयको ध्यान आर्कषित भएको भन्दै गरीब, विपन्न र अशक्त, असहाय र ज्येष्ठ नागरिकको उपचार नेपाल सरकाले निःशुल्क गर्ने र सो उपचार वापतको खर्च सरकारले व्यहोर्ने स्पष्ट पारेको छ ।
मन्त्रालयका तर्फबाट आसीएस कोअर्डिनेटर डा.गुणराज लोहनीले जारी गर्नु भएको विज्ञप्तिमा कुनै पनि विरामीलाई उपचार खर्चको अभावमा उपचारबाट बञ्चित गर्नु अस्पतालकाे सेवा मर्म, स्वास्थ्यकर्मीको आचारसंहिता विपरित हुने स्मरण गराइएको छ ।
साथै, सबै सरकारी, सामुदायिक, निजी, गैरसरकारी अस्पतालहरु, मेडिकिल कलेजहरुले उपचार व्यहोर्न नसक्ने कोभिड – १९ का विरामीको उपचार निःशुल्क गर्न आग्रह विज्ञप्तिमा गरिएको छ ।