काठमाडौँ । बुद्धजयन्तीको अवसर पारेर बिहीबारदेखि प्रदर्शन सुरु गरिएका दुई नयाँ चलचित्र ‘फर्की फर्की’ र ‘पुजार सार्की’ लाई दर्शकले साथ दिएका छन् । प्रदर्शनको पहिलो…
![](https://fairnepal.com/wp-content/uploads/2020/08/COrona-Update.jpg)
लगातार पाँचौँ दिन १ हजारभन्दा बढी सङ्क्रमित थपिए
काठमाडौँ । नेपालमा पछिल्लो २४ घण्टामा थप १ हजार ४१ जनामा कोरोना संक्रमण पुष्टि भएको छ ।
देशका बिभिन्न स्थानमा गरिएको परिक्षणका क्रममा ३४९ महिला र ६९२ पुरुष गरि १ हजार ४१ जनामा कोरोना पुष्टि भएको स्वास्थ्य मन्त्रालयका प्रवक्ता डा जागेश्वर गौतमले जानकारी दिनुभयो । योसँगै नेपालमा कोरोना संक्रमितको संख्या ४५ हजार २ सय ७७ पुगेको छ ।
शुक्रबार उपत्यकामा थप ४०८ जनामा कोरोना पुष्टि भएका छन्, जसअनुसार काठमाडौं ३ सय २६, ललितपुर ३७ र भक्तपुरमा ४५ जनामा कोरोना देखिएको छ । स्वास्थ्य मन्त्रालयका अनुसार आज १ हजार ५ सय ६६ जना कोरोना संक्रमित डिस्चार्ज भएका छन् । अहिलेसम्म डिस्चार्ज हुनेको संख्या २७ हजार १ सय २७ पुगेको छ । पछिल्लो २४ घण्टाको अवधिमा कोरोना संक्रमणबाट ९ जनाको मृत्यु भएको छ । मृत्यु हुनेमा तीन महिला र ६ पुरुष रहेको मन्त्रालयका प्रवक्ता गौतमले जानकारी दिनुभयो ।
पछिल्लो २४ घण्टामा १२ हजार ४ सय ७३ जनाको पीसीआर परीक्षण गरिएको छ । देशभर सक्रिय संक्रमितको संख्या १७ हजार ८ सय ७० छ । अहिले देशभर ६ हजार ५ सय ६१ जना क्वारेन्टाइनमा छन् । ०००