काठमाडौँ । वीरताको कथा र देशभक्तिलाई केन्द्रमा राखेर नेपालमा कमै चलचित्र बन्ने गरेका छन् । अनुसन्धानमा समय र निर्माण लागत धेरै लाग्ने भएकाले पनि निर्माता…
कान्तिपुर दैनिकका पत्रकार बानियाँ बाग्मतीमा हाम फालेर मरे
काठमाडाैँ । कान्तिपुर दैनिक पत्रिकामा कार्यरत पत्रकार बलराम बानियाँ बाग्मतीमा हाम फालेर देह त्याग गरेका छन् । जुत्ता किनारमा छाडेर सोमबार काठमाडौंको खोलामा हाम्फालेका पत्रकार बानियाँको शव हेटौंडामा फेला परेको प्रहरीले जनाएकाे छ ।
दुई दशकभन्दा लामो समयदेखि कान्तिपुर दैनिकमा काम गर्दै आएका पत्रकार बानियाँ राजनीति र सुशासनमा कलम चलाउने कुशल पत्रकार मानिन्छन् ।
प्रत्यक्षदर्शीका अनुसार मदिरा सेवन गरेको अवस्थामा उनले खोलामा हाम्फालेका थिए । खाेलामा बग्दै गरेकाे देखेकाहरूले उनलाइ बचाउने प्रयास गरे पनि सफल नभएकाे बुझिएकाे छ ।
महानगरीय अपराध महाशाखाका एसएसपी दीपक थापाका अनुसार बुधबार विहान हेटौंडाको खोलामा उनको शव भेटेपछि अहिले पोष्टमार्टमका लागि जिल्ला अस्पताल हेटौंडामा पुर्याइएको छ ।