काठमाडौँमा ६ सहित एकैदिन थपिए ६७१ कोरोना संक्रमित

काठमाडौँ । पछिल्लो २४ घण्टामा नेपालमा ६ सय ७१ जना नयाँ कोरोना संक्रमित थपिएका छन् ।

योसँगै नेपालमा कुल संक्रमितको संख्या ७ हजार ८ सय ४८ पुगेको छ । थपिएका मध्ये महिला ८० जना र पुरूष ५ सय ९१ रहेका मन्त्रालयमा आयोजित नियमित पत्रकार सम्मेलनमा स्वास्थ्य मन्त्रालयका प्रवक्ता डा. जागेश्वर गौतमले जानकारी दिनुभयो ।

यस्तै पछिल्लो २४ घण्टामा मात्रै थप २ जनाको मृत्यु भएको छ । योसँगै मृत्यु हुनेको संख्या २२ पुगेको छ ।

मन्त्रालयका अनुसार काठमाडौं उपत्यकामा ६ जनामा कोरोना संक्रमण देखिएको छ । भक्तपुरमा ३ जना, काठमाडौंमा २ जना र ललितपुरमा १ जनामा कोरोना संक्रमण देखिएको स्वास्थ्य मन्त्रालयले जनाएको छ ।