कोरोना रोकथामका लागि ५० हजार स्वास्थ्य स्वयंसेविका खटाइने

काठमाडौं । सरकारले कोरोना(कोभिड–१९) रोकथाम र नियन्त्रणको लागि स्वास्थ्य स्वयंसेविकालाई खटाउने भएको छ । आइतबार बसेको कोरोना रोकथाम तथा नियन्त्रण उच्चस्तरीय समन्वय समितिको बैठकले देशभरीका ५० हजार स्वास्थ स्वयंसेविका परिचालन गर्ने निर्णय गरेको हो ।

उनिहरु सबैको बिमा हुने र अतिरिक्त भत्ता पनि पाउनेछन । यस्तै सरकारले अत्यावश्यक औषधि र मेडिकल उपकरण सरकारी अर्थात जि टु जी माध्यमबाट किन्ने र निजि क्षेत्रबाट पनि किन्ने निर्णय गरेको छ ।

समन्वय समितिको बैठकले १४ दिन क्वारेन्टाइनमा बसेकाहरुको पनि स्वाब परिक्षण गर्ने र कोरोनाको कुनै संकेत नदेखिएमा मात्र घर पठाउने निर्णय गरेको छ ।