आधुनिक गायक रामकृष्ण ढकालको सम्बन्ध बिच्छेद

काठमाडौँ । आधुनिक गायक रामकृष्ण ढकाल र श्रीमतीबीच सम्बन्ध विच्छेद भएको छ । बुधवार जिल्ला अदालत काठमाडौंमा गायक ढकाल र श्रीमती निलम शाह ढकालबीच सम्बन्ध विच्छेद  गर्ने सहमति भएकाे हाे ।

ढकाल दम्पतीले हिजो (मंगलवार) जिल्ला अदालतमा सम्वन्ध विच्छेदका लागि मुद्दा दर्ता गराएका थिए । उनीहरु दुबैको सहमतिमै पारपाचुके भएको बुझिएको छ ।

न्यायाधीश विदुर कोइरालाको इजलासले सम्वन्ध विच्छेदको निर्णय सुनाएको जिल्ला अदालत काठमाडौंका श्रेष्तेदार आनन्द श्रेष्ठले जानकारी दिनुभयो ।

मुलुकी देवानी संहिता, २०७४ ले पति तथा पत्नी दुवैले चाहेमा जहिलेसुकै पनि सम्वन्ध विच्छेद गर्न सक्ने व्यवस्था गरेको छ ।

छोरी भने आमासँगै रहने बताइएको छ । उनीहरुको प्रेम विवाह भएको थियो । शाहले ढकालबाट कुनै पनि प्रकारको अंश तथा मानाचामल नलिने शर्त अनुसार सम्बन्ध विच्छेद गरेकाे बताइएकाे छ ।