२७ वर्षपछि इङ्ल्याण्ड एकदिवसीय विश्वकप क्रिकेटको फाइनलमा

काठमाडाैँ । आयोजक इङ्ल्याण्ड आईसीसी एकदिवसीय विश्वकप क्रिकेटको फाइनलमा प्रवेश गरेको छ। विश्वकपअन्तर्गत बिहीबार भएको दोस्रो सेमिफाइनलमा साविक विजेता अस्ट्रेलियालाई आठ विकेटले पराजित गर्दै इङ्ल्याण्डले  न्यूजिल्याण्डसँगकाे उपाधी भिडण्त पक्का गरेकाे हाे ।

यससँगै विश्वकप क्रिकेटको ४४ वर्षकाे इतिहासमा यसपटक नयाँ च्याम्पियन मिल्ने भएकाे छ । याे १२ औं संस्करणको खेल हाे । यसअघि नै भारतलाई हराएर फाइनलमा स्थान बनाएको न्युजिल्यान्ड र इङ्ल्याण्डले अहिलेसम्म विश्वकपको उपाधि जित्न सकेका छैनन्।

इङ्ल्याण्ड सन् १९७९, सन् १९८७ र सन् १९९२ मा गरी तीनपटक विश्वकपको फाइनलमा पराजित भएको थियो। त्यसयता भने इङ्ल्याण्ड फाइनलसम्म पनि पुग्न सकेको छैन।  २७ वर्षपछि इङ्ल्याण्ड उपाधी नजिक पुगेकाे हाे ।

इङ्ल्याण्ड यसअघिको संस्करणमा समूहचरणबाटै बाहिरिएको थियो। यसैगरी हालसम्म विश्वकपको उपाधि चुम्न नसकेको न्युजिल्यान्ड एकपटक सन् २०१५ मा विश्वकपको फाइनलसम्म पुगेको थियो।

Leave a Reply

Your email address will not be published. Required fields are marked *