कांग्रेस संसदीय दलको नेतामा देउवा निर्वाचित

काठमाडाैं । नेपाली कांग्रेस संसदीय दलको नेतामा शेरबहादुर देउवा निर्वाचित भएका छन्। कांग्रेस सभापति एवं प्रधानमन्त्री देउवा संसदीय दलको नेतामा निर्वाचित भएको संसदीय दलको नेता तथा कार्यसमिति निर्वाचन समितिका संयोजक भीष्मराज आङ्देम्बेले जानकारी दिए।

देउवाले महामन्त्री गगनकुमार थापालाई ३९ मतान्तरले पराजित गरेका हुन्। देउवाले ६४ मत पाए भने थापाले २५ मत पाए। निर्वाचनमा ८९ जना सांसदले मतदान गरेका थिए। देउवालाई वरिष्ठ नेता रामचन्द्र पौडेल लगायतले समर्थन गरेका थिए।

त्यस्तै, महामन्त्री थापालाई उपाध्यक्ष धनराज गुरुङ, नेता डा. शेखर कोइराला, महामन्त्री विश्वप्रकाश शर्मा र केन्द्रीय सदस्य प्रदीप पौडेल लगायत नेताहरूले समर्थन गरेका थिए।

कांग्रेसमा संसदीय दलको नेताका लागि प्रतिनिधि सभा सदस्यले मतदाता गर्ने व्यवस्था छ। मंसीर ४ मा सम्पन्न प्रतिनिधि सभा निर्वाचनमा प्रत्यक्षतर्फ ५७ र समानुपातिकतर्फ ३२ गरी ८९ जना निर्वाचित भएका थिए।