राष्ट्रपतिद्वारा संसद अधिवेशन आह्वान

काठमाडाैँ । संघीय संसदको बर्खे (बजेट) अधिवेशन २६ वैशाख दिउँसो ४ बजे बस्ने भएको छ ।

राष्ट्रपति विद्यादेवी भण्डारीले आइतबार संसद अधिवेशन आह्वान गरेको पत्र संघीय संसदलाई पठाएकी हुन् ।

राष्ट्रपति कार्यालयबाट सचिवालयमा आएको पत्रमा नेपालको संविधानको धारा ९३ को उपधारा १ बमोजिम २६ वैशाख शुक्रबार दिउँसो ४ बजे संसद भवन नयाँ बानेश्वरमा बैठक बस्ने उल्लेख गरिएको छ ।

आइतबार बसेको मन्त्रिपरिषदले २६ वैशाखमा संसद अधिवेशन आह्वान गर्न राष्ट्रपति समक्ष सिफारिस गर्ने निर्णय गरेको थियो ।