सुनको भाउ घट्यो, तोलाको कति ?

काठमाडौँ । स्थानीय बजारमा आज सुनचाँदीको मूल्यमा गिरावट आएको छ । छापावाला सुन प्रतितोला ७ सय रुपैयाँले घटेर ९२ हजार १ सय रुपैयाँमा कारोबार भइरहेको छ । हिजो छापावाल सुन प्रतितोला ९२ हजार ८ सय रुपैयाँ रहेको थियो ।

यस्तै तेजाबी सुनको मूल्य पनि प्रतितोला ७ सय रुपैयाँले ओरालो लागेको नेपाल सुनचाँदी व्यवसायी महासङ्घले जनाएको छ । मंगलबार प्रतितोला ९२ हजार ३ सय रुपैयाँमा कारोबार भएको तेजाबी सुन आज प्रतितोला ९१ हजार ६ सय रुपैयाँमा कारोबार भइरहेको छ ।

त्यस्तै चाँदीको मूल्य आज पनि घटेको छ । आज चाँदीको मूल्य प्रतितोला ५ रुपैयाँले घटेर १ हजार २ सय ५० मा किनबेच भइरहेको छ । हिजो चाँदीको मूल्य प्रतितोला १ हजार २ सय ५५ रुपैयाँ रहेको थियो । हिजो चाँदीको मूल्य घटे पनि सुनको मूल्य बढेको थियो । तर आज सुनचाँदी दुवैको मूल्यमा गिरावट आएको सुनचाँदी व्यवसायी महासङ्घले जनाएको छ ।