एलएलबीको प्रवेश परीक्षा स्थगित (सूचनासहित)

काठमाडौं । नेपाल ल क्याम्पसले एलएलबी तहको प्रवेश परीक्षा स्थगित गरेको छ । क्याम्पसले सोमबार सूचना जारी गर्दै पुस ५ गते (शनिबार) हुने भनिएको प्रवेश परीक्षा स्थगित गरेको हो । डिन कार्यालयको निर्देशनअनुसार अर्को सूचना प्रकाशित नभएसम्म परीक्षा स्थगित गरिएको क्यामपसले जनाएको छ ।

गत मंसिर ९ गतेको सूचनाअनुसार क्याम्पसले गत वर्ष एलएलबी पहिलो वर्षमा विद्यार्थी संख्या अत्यधिक भएको भन्दै तीन सय विद्यार्थी मात्रै भर्ना लिने निर्णय लिएको थियो ।

क्याम्पसले कोटा निर्धारण गरेकोप्रति विद्यार्थीले चर्को विरोध गरेका थिए । विद्यार्थीले विरोध गरेसँगै क्याम्पसले प्रवेश परीक्षा नै स्थगित गरेको छ ।

हेर्नुहोस् सूचना