काठमाडौँमा भूकम्पको धक्का

काठमाडौँ । काठमाडौँ उपत्यका सहित आसपासको क्षेत्रमा भूकम्पको धक्का महसुस् गरिएको छ । साँझ ७ बजेर ११ मिनेट जाँदा सिन्धुपाल्चोकको सर्माथाङ केन्द्रबिन्दु बनाएर ४ दशमदब ८ म्याग्नेच्युडको पराकम्प गएको राष्ट्रिय भूकम्प मापन केन्द्रले जनाएको छ ।

वि.सं २०७२ साल बैशाख १२ गते गएको बिनासकारी गोरखा भूकम्पकै पराकम्पन भएको भूकम्प मापन केन्द्रले जनाएको छ । भूकम्पको धक्काले हल्लाएपछि उपत्यका बिभिन्न भागमा मानिसहरु हल्लाखल्ला गर्दै बाहिर निस्किएका थिए ।

गोरखा भूकम्पको पराकम्पन आउन अझै रोकिएको छैन । केन्द्रका अनुसार गोरखा भूकम्पपछि हालसम्म ४ रिक्टर स्केलभन्दा माथिका ५ सय ३७ पटक पराकम्प गएको छ ।