उपसभामुख डा. शिवमाया तुम्बाहाम्फेले भनिन्, ‘संवैधानिक व्यवस्था बिपरित मैले राजिनामा दिन्न’

काठमाडौँ । उपसभामुख डा. शिवमाया तुम्बाहाम्फेले राजनीतिक दलहरुले सभामुखको उम्मेद्वार तय गरेर घोषणा नगरुन्जेल सम्म राजिनामा नदिने बताउनुभएको छ ।

सोमबार आफ्नै कार्यकक्षमा सम्चारकर्मीहरुसँग कुरा गर्दै अहिले आफूले राजिनामा दिनु संविधानको व्यवस्था अनुसार गलत हुने बताउनुभयो । संविधानले संघीय संसदको प्रतिनिधि सभा नेतृत्व विहिन हुने कल्पना नगरेकोले पनि आफुले राजिनामा दिन नहुने बताउनुभयो । राजनीतिक दलहरुले जति छिटो सभामुख पदका लागि उम्मेदवार तयार गर्छन त्यति नै बेला आफुले राजिनामा दिएर मार्ग प्रसस्त गर्ने पनि बताउनुभयो । अहिले आफु कुनै राजनीतिक दलको सदस्य नभएकाले कुनैपनि दलको निर्देशन आफुमाथि लागू नहुने बताउनुभयो ।

अहिले संसदमा देखिएको गतिरोध आफ्नो कारणले नभई दलहरुले निर्णय गर्न नसक्दाको परिणाम हो । संवैधानिक पदमा बसेको व्यक्तिले गैर–जिम्मेवार भएर प्रतिनिधि सभालाई नेतृत्व विहिन बनाउने पक्षमा आफु नरहेको पनि बताउनुभयो ।